11كۆرسىتىپ بېرىسەن ھاياتلىق يولىنى ماڭا،
خۇشاللىق تولۇپ تاشقاندۇر ھۇزۇرۇڭغا،
مەڭگۈلۈك شادلىق باردۇر ئوڭ قولۇڭدا. ［داۋامى］
5ئۆتۈپ كېتەر غەزىپى كۆزنى يۇمۇپ ئاچقۇچە،
ئەمما ئۇنىڭ شاپائىتى ھەمراھدۇر ئاداققىچە.
كېچىچە داۋام ئەتسىمۇ گەر يىغا-زارە،
شاد-خۇراملىق يېتىپ كېلەر سەھەردە. ［داۋامى］
4قۇربانلىق سۇپاڭغا بارىمەن شۇندا،
بىردىنبىر شادلىقىم بولغان خۇدا ئالدىغا.
چېلىپ لىرا ھەمدۇسانا ئېيتىمەن ساڭا،
مېنىڭ ئىلاھىم بولغان ئى خۇدا. ［داۋامى］
13ئېتىقاد يولىدا ماڭغىنىڭلاردا، ئۈمىدنىڭ مەنبەسى بولغان خۇدا قەلبىڭلارنى شاد-خۇراملىق ۋە تىنچ-ئامانلىققا تولدۇرغاي! بۇنىڭ بىلەن، سىلەر مۇقەددەس روھنىڭ كۈچ-قۇدرىتى ئارقىلىق ئۈمىدكە تولۇپ تاشقايسىلەر. ［داۋامى］
22ۋەھالەنكى، مۇقەددەس روھنىڭ يېتەكچىلىكىدە ياشاشنىڭ بېرىدىغان مېۋىلىرى مېھىر-مۇھەببەت، خۇشال-خۇراملىق، تىنچ-ئامانلىق، سەۋر-تاقەت، مېھرىبانلىق، ياخشىلىق، سادىقلىق، 23مۇلايىملىق ۋە ئۆزىنى تۇتۇۋېلىشلاردىن ئىبارەتتۇر. بۇلار ھېچقانداق قانۇنغا زىت ئەمەستۇر. ［داۋامى］
24-25ھەممىمىزنى قۇتقۇزغان يېگانە خۇدا سىلەرنى يىقىلىپ چۈشۈشتىن ساقلاپ، ئەيىبسىز ۋە خۇشال-خۇرام ھالدا ئۆزىنىڭ ئۇلۇغۋار ھۇزۇرىغا ئېلىپ كېلىشكە قادىردۇر. بارلىق شان-شەرەپ، ئۇلۇغلۇق، قۇدرەت ۋە ھوقۇق رەببىمىز ئەيسا مەسىھ ئارقىلىق ئەزەلدىن تا ھازىرغىچە ۋە ئەبەدىلئەبەد خۇداغا مەنسۇپ بولغاي، ئامىن! ［داۋامى］
